Musika
Ostiraletik igandera
Irun Rock jaialdiak gaur zabalduko ditu ateak
LUZIA ZUGADI | EITB.EUS
Besteak beste, Siniestro Total, Nacho Vegas, El Columpio Asesino, Guadalupe Plata, La M.O.D.A eta Bullet Proof Lovers arituko dira Irunen asteburuan.
-
EL COLUMPIO ASESINO
Indartsu dator Irun Rock jaialdiaren edizio berria. Gaur, 20:00etan emango diote hasiera aipatu festibalari, eta Havoc, Correos eta Rural Zomnies dira ordu horretatik aurrera agertokira aterako diren lehendabiziko taldeak. Horien guztien zuzenekoak doakoak izango dira, San Joan plazan.
Era berean, larunbatean, 13:00etatik aurrera, leku berean egongo diren emanaldietarako ere, publikoak ez du sarrerarik beharko; bai, ordea, Ficobako kontzertuetarako.
Hala, larunbat eguerdian Smoke Idols eta Los Bracco arituko dira plazan. Ficoban, berriz, Siniestro Total, Nacho Vegas, El Columpio Asesino, Guadalupe Plata, La M.O.D.A eta Bullet Proof Lovers taldeen musika nagusituko da.
Bukatzeko, igandean Calle Beatek bere kanturik ezagunenak taularatuko ditu.
Sarrerak
Eskuragarri daude jada sarrerak Irun Rock jaialdiaren webgune ofizialean. Gainera, Gaztean sarrerak zozkatuko ditugu, dohainik joan nahi duten guztien artean.
