Gaur Barakaldon "larga vida" Barón Rojorentzat

Erredakzioa

Azken eguneratzea: 2010/04/10 13:22 (UTC+2)

Barón Rojo, rock and roll talde mitikoak bere hasierako kideez osatuta eszenatoki gainera igoko da 30 urteren bueltan. Gaur Barakaldoko Rock Star Live aretoan emango dute kontzertua

Whatsapp
Whatsapp
telegram
twitt
Bidali
Esteka kopiatu

Dena prest, Barón Rojo rock and rollo talde mitikoaren hasierako kideak ikusi, entzun, dantzatu eta kantatzeko. "Gira reunión 30 aniversario 1.980/ 2010" bataiatu dute beraien azken bira, eta horrela izan ziren aurretik Madrik eta baita A Coruñan ere, baina gaur, Bizkaiari iritsi zaio txanda eta Barakaldoko Rock Star Live aretoan Carlos Castro, Armando Castro, José Luis Campuzano "Serpa" eta Hermes Calabria tranpaldo gainera igoko dira orain 30 urte bezala dena emateko prest. Ateak arratsaldeko 20:00etan zabalduko dituzte.

Oraindik ere, sarrerak eskuratzeko aukera duzu 19 euroren truke, BBK, El Corte Inglés eta Arisen bertan besteak beste. Hala ere, bertan, hau da, leihatilan erostea nahiago baduzu 25 euroren truke topatuko dituzu.

Egia esan, hasierako taldeaz osatutako bira berezian, 30. urteurrena ospatzeko kontzertu kopurua ez da oso handia eta euskaldunok benetan pozik egon gaitezke, izan ere, geografikoki hitz eginda gurera pare bat bider gehiagotan etortzeko asmoa baitute. Barón Rojo taldearen jarraitzaileek zorte handia dute, gaur, Barakaldoko Rock Star Live aretora joaterik ez dutenek, datorren maiatzaren 21ean Iruñeko Anaitasuna Pabilioian eta irailaren 11an Ugaon ere izango direlako.

Euskal Autonomia Erkidegoan zein Nafarroan iragartzen diren kontzertuetaz gain, Rock in Rion ere Barón Rojo taldea Sunset eszenatokian topatuko dugu. Beste data bat, apuntatzekoa hau ere Villarobledon (Albacete) Viña Rock-ekoa izango da. "Larga Vida al Rock and Roll" eta "Resistiré" ozen entzun entzungo dira gaur Barakaldon emango duten kontzertuan.