'Audience plays Amerikanuak', Bizbaken

Gernikako taldeak ikuskizun berria estreinatuko du gaur EHUk Bilbon, Abandoibarra auzoan, inauguratu berri duen Paraninfoan.

Gaur, martxoak 3, estreinatuko du Audience taldeak Audience plays Amerikanuak ikuskizun berria. Nacho Reig eta Gorka Bilbao zinemagileek zuzendutako dokumentalerako talde gernikarrak sortu zuen soinu bandan oinarritzen da proiektu berria, eta musika eta zuzeneko irudiak uztartzen ditu.

Donostiako Nazioarteko 2010eko Zinemaldian estreinatu zuten Amerikanuak dokumentala eta Bidehuts zigiluak argitaratu zuen 19 kantuk osatutako soinu banda. Orain, ikuskizun berezia estreinatuko du Gernikako taldeak, musika eta irudiak batuz. Emanaldia gaur, martxoak 3, arratsaldeko zortzietan hasiko da EHUk Abandoibarran duen Paraninfo berrian. Sarrera gonbidapen bidez izango da eta aldez aurretik txarteldegian eta eitbcomkultura@eitb.com helbidean eskatu beharko dira.
&' || 'nbsp;