Musika
Enkantea Ebay webgunean
DJ batek 6.000 euro ordaindu ditu Sonar jaialdian musika jartzeko
Erredakzioa
50 minutuz musika jartzeko aukera izango du, eta M.I.A., Magnetic Man eta The Human League artistekin batera agertuko da aurtengo kartelean. Oraindik ez dute iragarri nor den.
DJ batek 6.099 euro ordaindu ditu Ebay webguneko enkante batean, ekainaren 18an Sonar musika jaialdiko eszenatoki batean musika jarri ahal izateko.
Oraindik ez dute DJaren izena iragarri, baina jakin badakigu 50 minutuz musika jartzeko aukera izango duela, eta M.I.A, Magnetic Man eta The Human League artistekin batera agertuko dela aurtengo kartelean. Ekainaren 18an arituko da, SonarCar eszenatokian.
Ez da jaialdiak enkantean atera duen ekimen bakarra. Kontzertuen arteko tarteetan bi pantaila erraldoitan 20 segundoko bideoa jartzeko aukera ere
erosi ahal izango da.
