Musika
Kontzertua
Mulatu Astatke Elorrion arituko da ostiralean
Erredakzioa
Etiopiako musikari ezagunak herriko plazan eskainiko duen kontzertua 22:30etan hasiko da.
-
Mulatu Astatke. Argazkia: Musikaire
Uztailean zehar, Musikaire kultur zikloaren beste edizio bat egiten ari dira Elorrion. Mulatu Astatke etiopiarrak eskainiko duen kontzertua da aurtengo emanaldi garrantzitsuenetakoa. Soul musikak, tangoak, kaleko antzerkiak, dantzak eta zirku garaikideak osatuko dute programazioa.
Mulatu Astatke Etiopiako musikari ezagunenetakoa da. Jazz musikaren abangoardia Etiopiako sustraiekin nahasita egin zen ezagun 60ko eta 70eko hamarkadetan, eta gaur egun, eremu berriak bilatzen jarraitzen du. Astatkeren emanaldia uztailaren 22an izango da 22:30etan.
Gaua borobiltzeko dj Makala eta dj Budin arituko dira Parra tabernan.
Ara Malikian &' || ' Fernando Egozcue Quintet, Markeliñe antzerki taldea, Niño Costrini, Joseba Tapia, Diego Cortés, Circus Tanzia eta Amsterdam Klezmer Band dira zikloan egongo diren beste proposamenetako batzuk.
Emanaldiak Elorrioko hainbat gunetan izango dira, uztail osoan zehar, eta sarrerak doakoak izango dira.
