Musika
Musika
Jackson Brownek Jabier Muguruzaren lan berrian parte hartu du
Erredakzioa
Urrian argitaratuko du 'Bikote bat' diskoa Resistencia diskoetxeak.
Jackson Browne musikari estatubatuarrak ''Bikote bat'' urrian Jabier Muguruzak argitaratuko duen disko berriko ''Lausoa kristalean'' abestian parte hartu du. Resistencia diskoetxeak kaleratuko du lan berria.
Groove Masters Santa Monicako (Kalifornia) estudioan grabatu du ahotsa Brownek.
1998an, Muguruzak Jackson Brownen 50. urtemuga ospatzeko egindako ''Cantame mis canciones'' diskoan parte hartu zuenean, ezagutu zuten elkar.
Geroago, ''Acordes con Leonard Cohen'' Leonard Cohen omentzeko osatu zen bilduman eta biran parte hartu zuten bi musikariek, nahiz eta ez zuten elkarrekin ezer grabatu.
Uztailean Jackson Brownek Donostian Heineken Jazzaldian parte hartu ostean adostu zuten urrian entzun ahal izango dugun kolaborazioa.
