Musika
Aurkezpena
Gontzal Mendibilen pop ikuskizuna, igandean Bilboko Campos Eliseosen
Erredakzioa
Taula gainean zenbait koreografiaren laguntza izango du ume, dantza talde eta Pascual Molongua kale-abeslariaren parte hartzearekin.
Informazio gehiago (1)
Arratia eta Gorbeialdeko kantuekin grabatu zuen musika, Bilboko Campos Antzokira ekarriko du igandean Gontzal Mendibilek. Taula gainean zenbait koreografiaren laguntza izango du ume, dantza talde eta Pascual Molongua kale-abeslariaren parte hartzearekin.
Datorren igandean jendez beterik izango den antzoki honetan bakarrik aurkitu dugu gaur Gontzal Mendibil abeslaria. Gorbeialdean eta Arratian bilduriko kantuekin egin zuen azken grabaketa eta horko kantak eta bere beste aspaldiko batzuk ekarriko ditu.
Eskenatokitik jendearen zuzeneko parte hartzea eragin nahi du. Ume eta dantza talde baten koreografiak eta Gorbeiladeko irudiak izango ditu lagungarri horretarako. Abestirik gehienak herri tradiziokoak izan arren, ez du folk estilora jo, eta nahiago izan du berritasun bila pop mundura hurbildu. Beste ikuskizun batean ere kantu-lagun izan zuen Pascual Molongua kale abeslari ezaguna izango du berarekin pare bat abestitan.
Musika bizi duenarentzat hizkuntza berdin dela diosku euskaraz abesteko errepertorio bat egiten ari den Mologuak. Euskal herri tradizioko doinu eraberrituz beteko du Campos Antzokia urriaren 16an, igandez, Gontzal Mendibilek.
