Musika
Azaroak 12
Loquillok Bilboko Arriagan eman behar zuen kontzertua, bertan behera
Erredakzioa
Taldeko gitarra-jotzaileak lesioa izan du eskumuturrean, eta bira atzeratu beharra izan dute.
-
Loquillok Bilboko Arriagan eman behar zuen kontzertua, bertan behera. Argazkia: EITB
Azaroaren 12an Loquillok Bilboko Arriaga Antzokian eskaini behar zuen kontzertua bertan behera geratu da.
Larunbat honetan 'A Solas' birari ekitekoak ziren abeslaria eta bere taldekideak, baina Jaime Stinus gitarra-jotzaileak erorialdia izan zuen ostegunean, eta eskumuturrean hartu zuen min. Hori dela-eta, bira hasiera atzeratu beharra izan dute.
Arriaga Antzokiak ohar batean adierazi duenez, antzokian erositako sarreren zenbatekoa leihatilan itzuliko dute; eta BBKko salmenta kanaletan erositakoak, berriz, BBKk berak itzuliko ditu.
Kontzerturako data berria bilatzen saiatuko direla ere gaineratu dute.
