Musika
Lehiaketa
The Free Fall Bandek eskuratu dute Bilbao Hiria Pop-Rock lehiaketa
Kadizeko Echovolt taldeak eskuratu du Metal saileko sari nagusia eta Dr. Skyloop bizkaitarrek irabazi dute 'Beste Joera Batzuk' deritzon saila.
The Free Fall Band Bartzelonako taldeak eskuratu du Bilbao Hiria Pop-Rock lehiaketako 23. edizioaren sari nagusia. Metal sailari dagokionean, Kadizeko Echovolt taldeak eskuratu du saria.
Gainera, Dr. Skyloop bikote bizkaitarrak irabazi du 'Beste Joera Batzuk' deritzon saila. Antolatzaileek agiri batean jakinarazi dutenez, 5.000 euroko diru-saria eskuratuko du The Free Fall Bandek, Echovoltek bezala. Katalanek Belle & Sebastian edo Housemartins taldeen pop britaniarra ekartzen du gogora. Dr. Maha's Miracle Tonic eta Giranice gipuzkoarrak izan dira bigarren eta hirugarren, hurrenez hurren, pop-rock sailean.
Metal sailean, All Reasons bizkaitarrak izan dira bigarren eta Khousek eskuratu du hirugarren saria.
