Musika
Kontzertua
Leatherface eta No More Lies, Pasaian
21:30ean izango da kontzertua Mogambo aretoan.
Leatherface, Ingalaterrako taldea eta No More Lies, Kataluniako taldea, Pasaiako Mogambo aretoan arituko dira martxoaren 23an, 21:30etik aurrera. Kontzertua, Mogambo aretoa, Red Ribbon Music eta HFMN-ek antolatu dute.
Leatherface Sunderland-en 1988an sortutako musika taldea da. 1991 urtean argitaratu zuten Mush diskoa, historiako punkrock diskorik onenen artean kokatzen da. No More Lies Sant Feliu de Guíxols-eko (Katalunia) taldea da. Hamar urteko ibilbidean hiru disko argitaratu ditu.
Kontzerturako sarrerak aldez aurretik eskura daitezke Redribbonmusic.com webgunean 10 euroren truke.
