Musika
BILBAO BIZKAIA ROCK DAY
Metallicak igandean Bilbon joko duela baieztatu dute antolatzaileek
EITB Media
Taldekide batek covid-19aren proban positibo eman ostean, joan den asteazkenean Suitzan eman behar zuten kontzertua bertan behera utzi zuten, eta, ondorioz, San Mameseko emanaldia zalantzan egon da.
-
Metallicak Bilbon joko du igandean. Argazkia: EFE
Live Nation konpainiak baieztatu du Metallicak Bilbon joko duela igande honetan, eta iragarri du Niña Coyote eta Chico Tornado taldeak ordezkatuko duela The Regrettes banda.
Kaliforniako taldeko kide batek positibo eman zuen covid-19aren proban, eta joan den asteazkenean Suitzako Frauenfeld Rock jaialdian eskaini behar zuten kontzertua bertan behera geratu zen. Gauzak horrela, zalantzan zegoen igande honetan San Mameseko agertokian egongo ziren ala ez.
Edonola ere, Live Nation enpresa-sustatzaileak arratsalde honetan baieztatu du metal taldea Bilbon izango dela igandean, Weezer, The Hellacopters eta Nothing But Thieves taldeekin batera.
Horrez gain, antolatzaileek jakinarazi dute Niña Coyote eta Chico Tornado talde donostiarrak ordezkatuko duela The Regrettes banda iparramerikarra. Covid agerraldi baten ondorioz, Europan egiten ari ziren bira bertan behera utzi behar dutela iragarri zuten atzo.
¿¡Os confirmamos que Metallica estarán el domingo sobre el escenario del Bilbao Bizkaia Rock Day!
— Live Nation España (@LiveNationES) June 30, 2022
¿ Niña Coyote eta Chico Tornado sustituyen a The Regrettes.
¿ ¡Últimas entradas en https://t.co/Q9PRyJw9n8 pic.twitter.com/mh1sNDir2r
