Musika
Erakusketa
Musikaren azken 40 urteak gogoratzen 'Live Music Experience'-rekin
Irailaren 2ra bitartean egongo da ikusgai Bilboko Alondegiak duen espazio kulturalean.
-
'Live Music Experience' erakusketa Bilboko Alondegian. Argazkia: EFE
“Live Music Experience” musika erakusketa Bilboko Alondegiak duen espazio kulturalean egongo da ikusgai irailaren 2ra bitartean. Azken 40 urteak gogora ekartzeko tokiko eta nazioarteko ospetsuen zuzeneko kontzertuak bildu dituzte bertan.
Besteak beste, rock, soul, hip hop eta reggae estiloko musikaren momentu azpimarragarrienez gozatzeko aukera izango du bisitariak. Erakusketan, esaterako, Rolling Stones, Queen, Supertramp, David Bowie, Ramones, Oasis, Madonna, AC/DC eta Coldplay-ren lanak eta xehetasunak ikusi ahal izango dira.
Bideoen bitartez zuzeneko musikaz gozatzeaz gain, ospetsuen inguruko anekdotak eta beraien objektu pertsonalak ere bildu dituzte erakusketan.
Horrez gain, kontzertuak, konferentziak eta musika tailerrak eskainiko dituzte Bilboko Alondegian.
