Musika
Kontzertua
Justin Bieber Bilbon ikusteko sarrerak, larunbatean salgai
I.U.
Erredakzioa
Pista arrunteko sarrerek 65 euro balio dute, eta, premium pistakoek, berriz, 75 euro.
-
Justin Bieber. Argazkia: Twitter
Justin Bieber abeslariak BECen eskainiko du kontzertua 2013ko martxoaren 14an, Barakaldon, eta sarrerak uztailaren 7an jarriko dituzte salgai. Doctormusic.com eta ticketmaster.es web guneetan, FNACen, Carrefourren eta Ticketmaster sareko saltokietan izango dira eskuragarri 10:00etatik aurrera. Prezioari dagokionez, 60 eta 75 euro artean balioko dute.
Espainian egingo duen biraren bi kontzertuak iragarri ditu Justin Bieber artista gazteak. Lehena Bilbon izango da, martxoaren 14an eta, bestea, martxoaren 16an Bartzelonan. Ateak 17:30ean irekiko dituzte eta emanaldiak 19:30ean hasiko dira.
18 urte baino ez dituen arren, izugarrizko arrakasta lortu du. American Music Awards Sarietan Urteko Artista Onena hautatu zuten 2010ean. Horrez gain, bi izendapen lortu zituen Grammy Sarietan.
