Musika
Ekainak 28-30
EHZk kartela itxi du: Gorka Urbizu, Anari, Auhen, Ezezez, Bloñ…
N. V. | EITB Media
Ekainaren 28, 29 eta 30ean izango da jaialdia, Arberatze herrian lehenengoz, eta, musika ez ezik, bertso saioa, akrobaziak, haurrentzako jolasak, hitzaldia eta eztabaidak eta euskara eskolak ere izango dira.
-
Gorka Urbizuk larunbatean joko du EHZn
EHZ festibala ekainaren 28, 29 eta 30ean ospatuko dute aurten, lehen aldiz Arberatze herrian, Donapaleutik 5 km eskasera, eta antolatzaileek programazio osoa iragarri dute gaur, asteartearekin.
Orain arte iragarritako taldeei beste hainbat batu dizkiete, hala nola Auhen, Broken Brothers Band, Tshegue, Meule, RTZ Kolektiboa, Gorka Urbizu, Vox Low, Ezezez, Bloñ eta Ü. Gainera, eztabaida eta hitzaldien programa ere aurreratu dute, eta hizpide hartuko dituzte, besteak beste, festibalen eta musikagintzaren ereduak, Palestinako egoera, laborarien mobilizazioak…
Ostiralean, hilak 28, Pentzeko agertoki nagusiak arituko dira Janus Lester, Sei Sega, Auhen, Pelax, Tshegue, Bananas, Belako, Benizze eta Meule. Plazan, berriz, doan, Euskabaret eta Broken Brothers Brass Band.
Larunbateko kartel oparoak kontzertu hauek iragartzen ditu Pentzerako: Libe, Karma, Haira, RTZ Kolektiboa, Gorka Urbizu, Harat, Su Ta Gar, Kimule, Lysistrata, Nakar, Süne, Ke Lepo eta Vox Low.
Plazan, gainera, afrikar dantzen tailerra, bertso musikatuak, Seguime (Cie ZeC zirku eta musika konpainia), Zabala, Otonaia, Gaitamik, Anari, Punttu Kakotx eta Buuzbu izango dira.
Iganderako, berriz, hau da proposamena: Octopussy, Rüdiger, Katoum, Vincen García, Ezezez, Bloñ, Ü eta Old School Funky Family Pentzean, eta Plazan Gaitero eta Ziganteak, Amoba eskolako orkestra, Munhogain, Seguime (Cie ZeC), Beethoven, Euskorleans, Cie Par Allèles, Pantzo Man Show, Cocanha, DJ Reimy eta Raimundo el Canastero.
Larunbat-igandeetan, Haurren Xokoa izango da, eta hiru egunetan eztabaida eta hitzaldiak izango dira, gai hauen inguruan hausnartzeko: Palestinako egoera, Europako paktua eta immigrazio legea, laborarien urte hastapeneko mobilizazioak, festibal eta musikagintzaren eredua, Ertzaintza eta teknologia berrien erabilpena. Gainera, Marrazkirri erakusketa eta euskararen jakintza orokor batzuk jasotzeko eskolak ere egongo dira.
Jaialdian laguntzaile izan nahi dutenek (ostatuan, zirkulazioan, janaria prestatzen, segurtasuna zaintzen…) izena emateko aukera dute dagoeneko, webgunean, eta hiru eguneko bonoak 60 euroan eros daitezke.
Jaialdian bertan, 65 euroan izango dira hiru eguneko sarrerak, ostiral-larunbatetakoak 25 euroan eta igandekoak igandekoa 19an.
Hiru eguneko sarrera dutenek akanpalekuak lo egiteko aukera izango dute, urririk.
