kultura
Dantza klasikoa
Kremlingo Balleta Baluarten, igande honetan
Erredakzioa
Andrei Petrovek zuzentzen duen konpainiaren ikuskizunak Victor Hugok Notre Dameko konkordunaz idatziriko eleberria du oinarri. Sarrerak salgai daude, 32, 24 eta 20 euroan.
Baluarteko Areto Nagusiak Esmeralda ballet erromantikoa hartuko du igandean, 19:00etatik aurrera. Notre Dameko konkordunaren istorioa du ardatz ikuskizunak, beraz, Parisko Notre Dame Victor Hugok 1830ean idatziriko eleberrian oinarrituta gauzatu dutenez.
Kremlingo Balletak, Errusiako dantza konpainia nagusietako batek, taularatuko du Andrei Petrov konpainiako zuzendari eta koreografoak sinatutako koreografia.
Esmeralda ijito zorigaiztokoaren, Quasimodo konkordunaren eta Claude Frollo katedraleko apaizaren istorioa kontatzen du balletak. Abadeak emakumezko gaztea limurtu nahi duten guztiekin jeloskor jokatzen du.
Sarrerak 32, 24 eta 20 euroan daude salgai, eta betiko bideak daude zabalik horiek eskuratzeko: Baluarteko txarteldegia, Baluarteko webgunea eta 902 15 00 25. Halaber, 3/30 Programari esker, 30 urtetik beherakoek 6 euroan erosi ahalko dituzte sarrera, lana auditoriumaren 3. eremutik ikusteko.
