kultura
Kabareta
'The Hole' kabaret zoro eta ausarta gure antzokietara helduko da udan
Erredakzioa
Yllanak, Letsgok eta Paco Leonek sortutako ikuskizun "fresko eta lotsagabea" Iruñea, Gasteiz, Bilbo eta Donostiara helduko da, Madrilen arrakasta handia izan eta gero.
-
Irudirik gabe
"The Hole"ko zuloak show ausarta gordetzen dio ikusleari, "kabareta, antzerkia, burlesquea, zirkua, musika eta umorea nahasiz, tonu dibertigarri, probokatzaile eta sentsualean". Hori guztia agintzen dute udan gure antzokietan egongo den ikuskizuneko arduradunek.
"The Hole"n, musika, striptese iradokitzaileak, zirukuko saioak eta "amodio istorio handia" nahasten dira. Ororen abiapuntua zeremonia maisu batek bere etxe dotorean antolatutako jaia da: maitasun harremana arraro baten berri eman nahi du.
Ikuskizuna Paco Leon aktore eta zuzendariak, Yllana antzerki konpainiak eta Letsgo getxoztar enpresa sustatzaileak sortu dute, Secun de la Rosaren testuak erabiliz, eta aktore askok eta askok parte hartu dute: Paco León, Eduardo Casanova, Alex O'Dogherty, La Terremoto de Alcorcón, Ángel Ruiz, Edu Soto, Quequé, Vinila Von Bismark...
"The Hole" uztailaren 3tik 13ra Gayarre Antzokian izango da, uztailaren 30 eta 31n eta, emanaldi bikoitzean, abuztuaren 1ean eta 2an Gasteizen, Printzipak Antzokian, eta abuztuaren 14tik irailaren 6ra arte Arriaga Antzokian, Bilbon. Donostian ere egongo da, udan, Victoria Eugenian.
