kultura
Arte eszenikoak
Hausnarketa artistikoa proposatzen du 'Estrena 2011' zikloak
Erredakzioa
Urriaren 18tik 29ra bitartean eskainiko dituzten lanek antzerkia, musika eta dantza uztartzen dituzte.
Bideoak (1)
Iruñeko Civivox sareak 'Estrena 2011' zikloa hartuko du urriaren 18tik 29ra. Antzerkia, musika eta dantza uztartzen dituzten bederatzi lani esker hausnarketa artistikoa proposatzen du aurten. Honela, Civivox Condestable aretoan egingo dituzten emanaldiek arte eszenikoen ikuspuntu teknikoak jorratuko dituzte.
Hauek dira Iturrama, San Jorge eta Mendillorri auzoetako Civivox aretoetan eskainiko dituzten lanak: "Clitemnestra o el crimen", "La red", "Delirios de papel", "Lisztomanía. La fiebre de Liszt", "Érase una vez... Macbeth", "Frágil", "A ambos lados del muro", "De mala gana" eta "Nostalgic Walz".
Nafarroako Antzerki Sarean parte hartzen duten ikuskizun berriak bultzatzeko sortutako zikloa da "Estrena 2011", eta emanaldi horietan parte hartzen duten profesionalak batu eta arte eszenikoen presentzia nabarmentzea ere du helburu.
