Publizitatea
Itxi

2021/08/12

12:59

kultura

Antzerkia

Pabellon 6 konpainiak oholtzan ospatuko du 10. urteurrena

N. V. | EITB Media

Abuztuaren 20an, ireki zutenetik hamar urtera, "Palabrarismos" antzezlana estreinatuko du Bilboko konpainiak.

  • Pabllon 6en Gazte Konpainiak "Gris: morirse en Bilbao" lana berreskuratuko du

    Gazte Konpainiak "Gris: morirse en Bilbao" lana berreskuratuko du. Argazkia: Hodei Torres.

  • Whatsapp
  • Whatsapp
  • Telegram
  • Bidali

2011ko abuztuaren 22an abiatu zuen bidea Pabellón 6 arte eszenikoetarako Bilboko guneak. Orain, gelditu barik, aurrera jarraituko du guneak urteurrena ospatzeko, dagoeneko hogeita hamar ekoizpen propio eta ehunka antzezlan, dantza edo txotxongilo ikuskizun hartu dituen gunean proposamen berriak taularatuko baitituzte.

Hain zuzen ere, "Palabrarismos" ikuskizunak denboraldi berri bat irekiko du, abuztuaren 20an. Antzerkiaren eta literatur kabaretaren arteko ikuskizunaren dramaturgia Ramon Barearena da, Itziar Lazkano da zuzendaria eta Sara Barroeta, Nagore Navarro eta Iñaki Urrutia protagonistak.

Antzezlana abuztuaren 20tik irailaren 12ra egongo da ikusgai, 20:00etan, igandeetan izan ezik, horietan emanaldi bikoitza egongo baita, 12:00etan eta 19:00etan.

Gainera, P6eko Gazte Konpainiaren egoitzan, "Gris: morirse en Bilbao" antzezlana izango da bueltan, Bilboren eraldaketaz hitz egiten duen komedia.

Ane Pikazak zuzendutako antzezlana abuztuaren 19a eta irailaren 5a bitartean egongo da ikusgai.

  • Bisitatuena

      Kargatzen ikusiena
      Kargatzen ikusiena
    ;