Donostiako jaialdiek Victoria Eugeniaren mendeurrena ospatuko dute

Donostiako jaialdiek eta hiriko kultur zitek Victoria Eugeniaren mendeurrenaren ospakizunetan parte hartuko dute. "Bereziki horretarako" egindako ekitaldiak antolatu dituzte urteurren horretarako, baina beranduago jakinaraziko dituzte.

Ospakizunak "hiru ekitalditan" aurkeztea pentsatu du udalak. Horrela, Nerea Txapartegi kultur ordezkariak jakinarazi duena datorren hilabeteetan martxan jarriko denaren zirriborroa izan da. Programaren zati handi bat definitzear dute oraindik. Donostiako "eraikin adierazgarria" eta "kultura sinboloa" da, azaldu dutenez.

Txapartegik aurreratu duenez, "zerbait berezia" egingo dute uztailaren 20 inguruan. Egun horretan, duela 100 urte, ireki zuten Victoria Eugenia antzokia Eduardo Marquinaren "Flandrian Eguzkia jarri da", Maria Guerrero eta Fernando Diaz de Mendozaren konpainiaren eskutik.

Donostiako Jazzaldiak 47. edizioa beteko du uztailaren 19tik 23ra eta "Musikazko gau zuria" ospatuko dute antzokiaren hainbat txokotan, baita publikoarentzat ezezagunak diren tokietan ere.

dFeriak, Olatu Talkak, Musika Hamabostaldiak, Zinemaldiak, Beldurrezko eta Fantasiazko jaialdiak, Aste Nagusiak eta Euskal Jaiek ere "ekitaldi eta keinuak" egingo dituzte, mendeurrenerako egindako logotipoarekin batera. 

Instituzioei, elkarteei, artistei eta erakundeei parte hartzeko gonbita luzatu die eta hurrengo galdera erantzutea eskatu die: "Zer oparituko diozu Victoria Eugeniari bere mendeurrenean?".

dFeria martxoaren 12an hasiko dute eta aurreko 17 ediziotan jaialdiaren egoitza eta espazio nagusia izan dena omentzeko ekitaldiak egingo dituzte.