kultura
Peter Blake
Beatles taldearen 'Sgt Pepper's' diskoko collagea berritu dute
Lana Wayne Hemingway jaialdian egongo da ikusgai. Irudi berrian, Mick Jagger, Amy Winehouse, J.K Rowling eta beste hainbat pertsona ospetsu ikusi daitezke.
-
Diskoaren portada zaharra eta berritua. Argazkia: EFE/ Artxiboa
Peter Blake artistak Sgt Pepper's Lonely Hearts Club The Beatles taldearen diskorako egin zuen portada berritu du. Irudian, Mick Jagger, Amy Winehouse, J.K Rowling eta beste hainbat pertsona ospetsu ikusi daitezke.
80. urtebetetzea dela eta bere buruari opari bat egiteko sortu du collage berri hau Blakek. Bertan, bere bizitzan zehar inspirazio iturritzat erabili dituen britainiar kulturako ikonoak biltzen ditu.
Argazkiaren erdialdean, Beatles taldeko kideak azaldu beharrean, 73 pertsona ospetsuz inguratuta, Peter Blakeren alabak eta emaztea azaltzen dira. Mick Jagger, Elton John, Amy Winehouse eta David Bowie abeslariak dira pertsona famatu horietako batzuk.
Lana Wayne Hemingway Northamptonshiren (Ingalaterra) uztailean egiten den jaialdian egongo da ikusgai.
