kultura
Bartzelona Kultur Lab
'Yellow Nest Hostel'
Karla Cregok, Naiara Gonzalezek, Naiara Ortegak eta Amaia Peredak 'Yellos Nest' lana aurkezten dute, Bartzelona Kultur Lab-en baitan.
Bideoak (1)
Izenburua: Yellow Nest
Egileak: Karla Crego, Naiara Gonzalez, Naiara Ortega, Amaia Pereda
Iraupena:
Formatua: HDV PRO720p25PN (.mov)
Gauzak ez dira beti espero bezala gertatzen. Talde guztiok Bartzelona Kulturlab proiekturako plangintza aldez aurretik zehaztuta generaman. Bartzelona mugimenduan erakusteko helburua zuen erreportaje bat egitea zen gure helburuetako bat; horretarako, egun oso bat emango genuen hiriburuko mugimendua grabatzen, Bartzelona goitik behera ikuskatzen. Ezohiko ikuspuntu batetik erakutsi nahi genuen Bartzelona, erreportaje-bideoklip antzeko bat eginez. Baina esan bezala, gauzak gaizki atera ziren. Dena aurreikustea ez da posible. Espero ez genuen arazoa zuhaitzak izan ziren.
Bartzelonako kaleetan dauden zuhaitzak oztopo bihurtu ziren grabaketaren unean. Ezin genuen hiriburua ongi erakutsi,ez genuen pentsatutako efektua lortu. Hori dela eta, krisi une bat bizi ondoren, erreportaje hori bertan behera utzi eta berri bat egitea erabaki genuen.
Ate bat ixten denean leiho bat irekitzen dela diote batzuek, eta hala gertatu zen. Inspirazioa alboan genuen horretan topatu genuen: Yellow Nest Hostel-ean. Gazteentzako hotela, ostalaritza bizitzeko beste modu bat proposatzen duen FeetUp Hostels enpresaren parte dena. Inguruan genuena, Bartzelona Kulturlaben ‘gure etxe’ izandako hori bihurtu dugu bigarren erreportajearen protagonista.
