Ellen DeGeneresen selfiea, historian gehien bertxiotu den argazkia

Hollywoodeko izarrez inguraturik zegoela atera du argazkia Ellen DeGeneresek. Irudian Meryl Streep, Brad Pitt, Angelina Jollie eta Julia Roberts ikus ditzakegu. Twitterren milioika bisita izan ditu.

Ellen DeGeneresek bere buruari ateratako argazkia, selfiea, 50 minuturen bueltan, historiako argazkirik bertxiotuena izan da. Hollywoodeko izarrez inguraturik agertzen da bertan: Meryl Streep, Brad Pitt, Angelina Jolie eta Julia Roberts aktoreak alboan dituela ikus dezakegu sarean bueltaka dabilen irudian.

Orain arte argazkirik bertxiotuenaren marka Barack Obamak zuen. Bigarren aldiz Estatu Batuetako presidente izendatu zutenean ateratakoa zen. Argazki hartan, bere emaztea, Michelle Obama, besarkatzen ageri zen. 778.329 aldiz partekatu zen argazki hura.

Zenbaki hori gainditu nahi izan zuen bart Oscarretako aurkezleak, eta baita lortu ere. Sari banaketako momenturik dibertigarrienetako batean Jennifer Lawrence, Meryl Streep, Badley Cooper, Julia Roberts, Kevin Spacey, Brad Pitt, Angelina Jolie, Lupina Nyong'o, bere anaia eta Jared Leto batu zituen.

DeGeneres bigarrenez izan da Oscarretako gidaria, eta, sariak banatzeaz gain, pizza zatiak eskaini ditu publikoaren artean. Horiek bi publizitate kanpainaren ekimenak izan dira.