Oscarrak 2024
Ez da posible izan
Alberto Iglesias Oscar saririk gabe gelditu da
N. V. | EITB Media
Laugarrenean ere ezin izan du lortu Oscar saria musikari eta konpositore donostiarrak, eta Hans Zimmerrek eraman du saria, "Dune" filmagatik.
-
Alberto Iglesias musikaria, bart Los Angelesen. Argazkia: Efe.
Alberto Iglesias donostiar musikaria esku-hutsik itzuliko da Los Angelesetik: ez du saririk lortu bart, Oscar sarien galaren 94. edizioan. Iglesias jatorrizko musika onenaren sailean izendatuta zegoen, "Madres paralelas" Pedro Almodovar espainiar zinemagilearen pelikulan egindako lanagatik, baina saria Hans Zimmerrek irabazi du, "Dune" filmean, zientzia-fikziozko klasikoaren Denis Villeneuveren egokitzapenean, egindako lanagatik.
Gala hasi baino lehenago jakin da sari honen berri, ABC telebista kateak sail hau eta beste zazpi zuzeneko emankizunetik at uztea erabaki baitzuen.
Oscarretarako laugarren izendapena zuen Alberto Iglesiasek, 2005ean "The constant gardener", 2007an "The kite runner" eta 2011n "Tinker tailor soldier spy" pelikulekin lehiatu eta gero.
