Zinema
Zinemaldia
Zinegoak zinema jaialdia hegaldatu da
Erredakzioa
Lesbo-gay-trans tematikadun filmak erakusten dituen nazioarteko zinemaldia astelehen honetatik, hilak 20, igandera arte egingo dute Bilbon, eta datorren astean beste herri batzuetara hedatuko da.
Hogeita hamar herrialdetako baino gehiagotako 85 pelikula eskainiko dituzte urtarrilaren 20tik hilaren 26ra arte Bilbon, eta datorren astean, hilaren 28tik otsailaren 9ra, Bizkaiko zein Gipuzkoako zenbait herritan, hala nola Durangon, Donostian, Errenterian eta Portugaleten, Arte Eszeniko eta Zinema Gay-Lesbo-Transaren nazioarteko jaialdian.
Pau Guillen jaialdiko zuzendariak prentsaurreko batean azaldu duenez, ohorezko saria Bok o Bok zinema gay, lesbiko, bisexual eta transexualeko San Petersburgeko jaialdiari emango diote irekiera galan, urtarrilaren 20an, Arriaga antzokian.
Guillenek azpimarratu duenez, "Errusian oso arriskutsua da antolatzaileentzat eta publikoarentzat horrelako jaialdi bat antolatzea".
Zinegoaken, haurtzaroari eta nerabezaroari bereziki begiratuko diete, aldi horiek gaitzat hartu dituzten film laburren emanaldiaren bidez, eta "Tuburão" de Zouhali-Worrall & Katherine Fairfax Wrighten film brasildarra estreinatuko dute.
Egun gutxiago iraungo du aurten Zinegoakek, baina inoiz baino espazio eta emanaldi gehiago sartu dituzte astebeteko programazioan.
Aurten lehenengoz, Bilboarte espazioa izango du erabilgarri jaialdiak, Off Zinegoak aurten saria izango duen atalerako. Suberviola espazioan, lan artistikoen bi lagunentzako mikroproiekzioak egongo dira. Gaienera, La Fundición aretoan, arte eszenikoen hamaika emanaldi egongo dira, eta, ohi bezala, Bilborock eta Golem Alhondiga aretoek programazioko zati handia hartuko dute.
Halaber, Amnistia Internazionala elkartearen laguntzaz, lesbiana, gay, transexual eta bisexualen eskubideen aurka Kamerunen, Errusian, Marokon eta itxuraz eskubideak bermatuta dituzten arrean kolektibo honen aurka egiten duten beste herrialde batzuetan egin dituztenak erakusten dituzten lanak ere programatuko dituzte.
Halaber, bost euskal lan egongo dira, film labur hauek: "Desnudos" (Jose Antonio Cortes); "El Pastel" (Estela Osorio); "Adiós a la japonesa" (Arco, Deibid Lyon eta Mirian Alonso); "El anhelo del cangrejo" (Andrea Caltran); eta "El cuentacuentos - Maitasun ipuinak familian", azkenik.
