Roman Polanski eta 'Como entrenar a tu dragón', zinema-aretoetan

Roman Polanski zinemagilea zinema-aretoetara bueltatuko da aste honetan bere azken filmarekin, El escritor. Gainera,&' || 'nbsp;Marcelo Piñeyroren Las viudas de los jueves, eta Cómo entrenar a tu dragón animaziozko-filmea estreinatu dituzte.

Roman Polanskiren kezkak pantaila handia gailentzen dute, baina bere zinema ekoizpenarekin jarraitzen du El escritor filmarekin. Ewan McGregor eta Pierce Brosnan dira protagonistak eta Zilarrezko Hartza eskuratu zuen iragan Berlinalen.

Adam Lang (Brosnan)&' || 'nbsp;lehen ministro ohiaren memoriak egitea enkargu pozoindua dirudi, izan ere, aurreko erredaktorea istripu misteriotsu batean hil egin zen. McGregorrek hartzen du lan hori eta biografia egiteko ikerketa medio, Lang CIArekin lotzen duten sekretu ilunak deskubritzen ditu.

Marcelo Piñeyro argentinarra -Tango feroz, Kamchatka- pantaila handira bueltatu da bost urteren isilaldia eta gero Las viudas de los juevesekin , maila altuko auzune pribatuetako konbentzio sozialak erasotzen ditu.

Lasse Hallström zinemagile suediarrak -Las normas de la casa de la sidra, Chocolat- Channing Tatum eta Amanda Seyfried zuzentzen ditu Querido Johnen, Nicholas Sparksen izen bereko eleberrian oinarritzen den drama erromantikoa.

Dean Deblois eta Chris Sanders zinemagileek egin dute Cómo entrenar a tu dragón, bikingo gazte baten istorioa. Arauen aurka egitea erabakitzen du. Dreamworks faktoriaren azken emaitza da.

Jean-Paul Jaud dokumental egile frantziarrak Nuestros hijos nos acusarán estreinatu du. Frantziako herri txiki batean gertatutakoa islatzen du, nekazaritzan erabilitako produktu kimikoengatik sortutako osasun arazoak sortu ostean.

Scandar Copti eta Yaron Shani zinema-aretoetara heldu dira Ajami filmarekin. Alemaniak eta Israelek elkarrekin egindako ekoizpena da eta norbere gabeziei irteera bilatzen dute protagonistek.