Espainiako Gobernuak zinemaren gaineko BEZa jaitsi nahi du 2018an

Espainiako Hezkuntza, Kultura eta Kirol Ministerioak 2018an zinema industriako BEZa % 21etik % 10era jaisteko asmoa du, Fernando Benzo Kulturako estatu idazkariak aurreratu duenez.

“Gure ekonomian, gauzak ondo doaz, eta, hortaz, zuzeneko ikuskizunei dagokienez, gure hitza bete genuen”, azaldu du Benzok, eta “orain, zinema arloko BEZarekin, konpromisoak betetzen jarraitzeko unea da”.

Kulturako estatu idazkariak Cope irrati katean esan duenez, helburua “oso epe laburrean” beteko dute, eta 2018. urtea amaitu aurretik “ikusiko da”; “hurrengo Aurrekontuetan”, erantsi du.