Zinema
Estreinaldiak
'Hugo' eta 'Astebete Marilynekin', zinema-aretoetan
Erredakzioa
Martin Scorseseren lehenengo 3D filma eta Michelle Williams protagonista den 50. hamarkadako Hollywooden girotutako filma aurrez aurre ipiniko dira.
Asteburu honetan “Hugo”, Martin Scorseseren lehen 3D filma eta “Astebete Marilynekin”, 50. hamarkadako Hollywooden girotutako filma ikusgai egongo dira zinemetan.
Scorsesek, “Hugo” fimarekin omenaldi sentikor eta ederra egiten dio zinemari. Zinemagile italoamerikarrarentzat hiru dimentsiotan grabaturiko lehenengo filma da hau. Honekin Oscarretarako 11 sari-proposamen lortu ditu.
Bi sari-proposamen, emakumezko aktore onenarentzako (Michelle Williams) eta bigarren gizonezko aktore onenarentzako (Kenneth Branagh). Simon Curtisen gidaritzapean grabaturiko drama koproduzioa, Colin Clarkeren oroitzapen liburu batean du jatorria. Erresuma Batuan eta Ameriketako Estatu Batuen artean grabatu da.
Mark Neveldine eta Brian Taylor, “Crank” filmaren arduradunak, Mark Steven Johnsonen lekuko hartzen dute “El Motorista Fantasma” filma zuzentzeko. Nicolas Cage aktoreak berriro ere protagonista bezala parte hartzen du, Marverl komikietako heroiaren abenturetako moldaketan.
Maïwenn, emakumezko aktore eta zuzendari frantziarrak “Polisse” filma zuzentzen du. Honek, Adingabeen Babes Unitateko polizia departamentu bateko kideen egunerokotasuna islatzen du. Beraien eginkizunak, beste batzuen artean, pederastak atxilotzea, adingabeko zorro-lapurrak jarraitzea eta tratu txarrak ematen dituzten gurasoei galdeketak egitea da.
