Zinema
Urriak 28 - azaroak 4
Macarena Gomez aktorea erakusten du Fantasiazko eta Beldurrezko Astearen kartelak
N. V. | EITB Media
Fantasiazko eta Beldurrezko Zinemaren Donostiako 33. Astea urriaren 28tik azaroaren 4ra egingo dute, eta Carlos Fdez "Penrider" marrazkilariak egindako kartela erakutsi dute gaur.
-
Macarena Gomez aktorea, Donostiako Astearen kartelean
Macarena Gomez espainiar aktorea da Donostiako Fantasiazko eta Beldurrezko Zinemaren 33. Astearen irudi ofizialaren protagonista. Zinema jaialdia urriaren 28tik azaroaren 4ra bitartean izango da aurten.
Kartelaren egilea Carlos Fdez (Penrider) marrazkilaria da, eta, Gomezen irudiaz gain, armiarma batek ere hartzen du protagonismoa, hasiera-hasieratik zinemaldiaren ikurra izan den animaliak.
Halaber, Koldo Mitxelena Kulturuneak eta Donostia Kulturak "Luis Gasca; Komikiak eta zinema" erakusketa antolatu dute, eta irailaren 8tik azaroaren 8ra jarriko dute ikusgai, Okendo Kultur Etxean. Editore, historialari, gidoigile, bildumazale eta Donostiako Zinemaldiaren zuzendari izandakoa omenduko dute horrela.
Gainera, Hermenaute argitaletxeak kanibalismoari buruzko liburu bat argitaratuko du, Fantasiazko eta Beldurrezko Zinemaren Asterako.
