Publizitatea
Itxi

2013/01/16

14:47

telebista

Ostegunean

Administrazio publikoaren murrizketak 'Debatea'ren jomugan

A.E.

Klaudio Landaren eztabaida saioan, besteak beste, hezkuntzako, osasun arloko eta justiziako langile publikoak edukiko dituzte.

  • Whatsapp
  • Whatsapp
  • Telegram
  • Bidali

Ostegun honetan, 'Debatea' saioan, administrazio publikoa eta bertako langileak, funtzionarioak, hartuko dituzte hipide; bi arlo hauek jasaten ari diren murrizketez mintzatuko dira. Bigarren saioaren  hasieran mahairatuko dituzten galderak hauexek izango dira: Diru publikoa aurreztu behar da? Nola? Funtzionario gehiegi dago Euskadin? Funtzionarioei bakarrik egin behar zaizkie murrizketak?

Krisi ekonomikoa dela-eta, administrazioa eta funtzionarioak dira murrizketa eta doikuntzen jomuga.  Hala ere, batzuen ustez funtzionario gehiegi daude Euskadin eta funtzionarioak pribilegiatuak dira. Iritzi horiek bilduko dituzte ETB-1eko eztabaida saioan.

Bestalde, platoan, hezkuntzako, osasun arloko eta justiziako langile publikoak edukiko dituzte euren egoeraz mintzatzeko eta murrizketek herritarrengan duen eraginaz hitz egiteko: hezkuntza mailaren eskastea, osasun zentroetan itxarote zerrenden luzatzea, justiziaren moteltzea... Horietxek izango dira jorratuko dituzten gaietako batzuk.

Administrazioan gertatzen diren bikoiztasunak eta ez-eraginkortasunak ere aztertuko dituzte. Diru publikoa aurreztu behar izanez gero, nondik hasi? Politikoen soldatak murriztu behar dira? Azpiegiturak murriztu? Bikoizten diren karguak ezabatu?

'Debatea' saioa 22:15ean dago ikusgai ostegunean, ETB-1en, Klaudio Landak gidatuta.

 

  • Hau zure interesekoa bada, baliteke beste gai hauek ere izatea:
  • Bisitatuena

      Kargatzen ikusiena
      Kargatzen ikusiena
    ;