telebista
Gaur
Txirrindularitza, futbola, eskubaloia eta saskibaloia, zuzenean
A.A.
EITB
Tirreno-Adriatico lasterketako 4. etapa, Eibar-Noja, Bera Bera-Thuringer eta Uxue Bilbao Basket-B.R. Valladolid.
Kirol programazio zabala dakarkigu Euskal Telebistak gaur. ETB-1eko lehen hitzordua txirrindularitza izango da, Tirreno-Adriatico lasterketako 4. etapa: Narni-Prati Di Tivo. 17:00etan, ohi denez, Bigarren Mailako futbolaren txanda izango da: Eibar-Noja.
19:15ean, Endesa Ligako Uxue Bilbao Basket-B.R. Valladolid neurketa izango da ikusgai eta 21:00etan futbol jardunaldiaren errepasoa egingo dute "Gol Festa" saioan.
Hiru emanaldiak zuzenean izango dira ikusgai eitb.com-en ere.
Pilota eta eskubaloia ETBKn
12:30ean, afizionatu mailako pilotaren tartea zabalduko dute, bezperan Tolosan jokatutako Euskal Ligako finalak eskaintzeko.
17:30ean, emakumeen eskubaloia zuzenean. Bera-Bera eta Thuringer taldeek Errekopako final laurdenetako partida jokatuko dute.
Azkenik, 22:30ean, Munduko Pala Txapelketaren barruan, hirugarren eta laugarren postuak erabakiko dituen partida eskainiko da: Garciak eta Imanolek, Altadill eta Lujan izango dituzte aurrez aurre.
Eskubaloi emanaldian interneteko streaming-aren bidez ere jarraitu ahal izango dute eitb.com-eko erabiltzaileek.
