telebista
Kirol emanaldiak
Titin III-Merino II / Bengoetxea VI-Beroiz, ETB-1en eta eitb.com-en
Binakako Txapelketako partida erabakigarria zuzenean izango da ikusgai Iruñeko Labrit pilotalekutik.
Bideoak (1)
Gaur Iruñeko Labrit pilotalekuan jokatuko den Binakako Txapelketako kanporaketa, Titin III-Merino II / Bengoetxea VI-Beroiz, zuzenean izango da ikusgai ETB-1en eta eitb.com-en, 17:50ean hasita. Atariko partida, Saralegi-Aretxabaleta / Mendizabal III-Laskurain, 21:00etan emango da. Xabier Euzkitze eta Joxan Tolosa ariko dira esatari lanetan.
Aurrez, 15:30ean, Kataluniako Voltako azkenaurreko etapa eskainiko du ETB-1ek eta eitb.com-ek. 178 kilometro dituen Almacelles-Valls jardunaldiaren kontakizuna Alfontso Arroiok eta Xabier Usabiagak egingo dute.
19:15ean, Endesa Ligako Caja Laboral-Lagun Aro derbiaren kontakizuna egingo dute Asier Arangurenek, Josean Aldalurrek eta Juan de la Vegak. Partida hau ETB-1en, ETBKn eta eitb.com-en jarraitu ahal izango da.
Bigarren B Mailako futbol emankizuna ETBKn egingo da larunbat honetan (lehen zatia ETB-1en ere ikusgai izango den arren). Amorebieta-Barakaldo neurketaren nondik norakoak Xabier Anduezak, Juanan Larrañagak eta Joseba Urkiolak ekarriko dizkigute 17:00etan hasita eta internet bidez ere ikusgai izango da.
Azkenik, 22:30ean, Munduko Pala Txapelketako Fusto-Larrinaga norgehiagoka eskainiko da. Iñigo Aiestaran eta Iñigo Oiartzabal izango dira berriemaile.
