telebista
Kirol emanaldiak
Aritz Lasa-Ezkurdia, zuzenean, ETB-1en eta eitb.com-en
A.A.
EiTB
CSK Mosku-Caja Laboral Euroligako play-offetako bigarren partida ere zuzenean izango da ikusgai.
Zuzeneko bi kirol emanaldi dakartzate ETB-1ek eta eitb.com-ek gaur. 18:00etan hasita, Euroligako play-offetako bigarren partida izango dute jokoan CSK Moskuk eta Caja Laboralek. Xabier de la Fuentek ekarriko dizkigu nondik norakoak Josean Aldalur aditua lagun duela.
22:00etan, ohi denez, 'ETB Kantxa' tartea zabalduko dute. Arbizun izango dira oraingo honetan Xabier Euzkitze, Joxan Tolosa eta Koldo Aldalur, bertan jokatuko den jaialdiaren berri emateko. Retegi Bi-Merino eta Jaunarena-Peñagarikano bikoteak izango dira aurrez aurre atariko partidan. Ondoren, Buruz Buruko Txapelketako neurketa jokatuko dute Aritz Lasak eta Ezkurdiak.
