Armada, Lobo eta bideoklipa, 'El Conquis 2013' eztabaida-saioan

"El Conquis 2013" eztabaida saioak hainbat gauza berri ekarriko dizkigu. Batetik, Patxi Alonsok Armada hartuko du platoan. Lehiakide zornotzarra Puma taldeko partaide kutunenetako bat zen, behin eta berriz alaitzen baitzituen taldekideak bere albokaren doinuaz. Patagoniako rodeoaren immunitate jokoan min hartu zuen hankan, eta ondorioz lehiaketa utzi zuen. Hain zuzen ere, jokoen gogortasunaz arituko dira saioan. Non daude mugak? Duela gutxi, Frantziako "Koh-Lanta" saioan lehiakide bat hil egin zen, eta ondoren medikuak bere buruaz beste egin zuen. Gai hori jorratzeko Joxan Goñi eta Txema Montoya "El Conquistador del Fin del Mundo" saioko zuzendariak hartuko ditu Patxi Alonsok platoan. Lehenengoz, eztabaida saioan izango dira eta lehiaketaren historiaz arituko dira. Immunitate jokoen, dueluen eta saioaren egoeraren inguruko lekukotasuna emango dute. Gai guzti hauen inguruan eztabaidatzeko luxuzko solaskideak izango dira saioan: Gotzon Mantuliz eta David Seco irabazleak, Mikel Goñi, Manu Maritxalar eta Julen Madina kapitainak, eta Oiane aurtengo edizioko lehiakidea. Gainera, Lobo joan den urteko partaide faboritoenetakoa ere platoan izango da. Armadarekin dituen antzekotasunez arituko dira saioan.

Laster estreinatuko da El Mentón de Fogarty taldeak sortutako "El Conquistador del Fin del Mundo" abestiaren bideoklipa. Juanito eta Korta bideo horren protagonistak dira, eta joan den ostiralean Urdulizen egindako grabaketaren momentu onenak eskainiko dituzte saioan.

Hurrengo atalaren aurrerapenak ikusteko aukera ere izango dugu. Jauregi, Naty, Goku eta Chris izango dira aurrerapenen protagonistak. Igandeko saioaren une onenak aztertuko dituzte, eta hurrengo immunitate jokoaren nondik norakoen berri ere emango dute saioan, "conquiszaleen" gozamenerako.

"El Conquis 2013" Hostoilek ETBrentzat ekoitzitako saioa da eta asteazkenetan, 22:30etan, "Teleberri"ren ondoren emititzen dute, Euskal Telebistaren bigarren katean.