Kapitainen bilera, 'El Conquis 2013' eztabaida-saioan

Bateratzearen ondoren, dagoeneko ez dago kapitainik "El Conquistador del Fin del Mundo" saioan, Patagonian eta Patxi Alonsok gidatzen duen "El Conquis 2013" saioan elkartuko dira, berriz, ere gaur gauean.

Aurtengo edizioko lau kapitainen jarduera aztertuko dute saioan: Blanca Fernandez Ochoaren despisteak, Juanito Oiarzabalen garaipenak, Jose Luis Kortak lehiaketa utzi zuenekoa, Manu Maritxalarren jarrera...

Korta eta Manurekin batera, beste hainbat lagun ere egongo dira solasaldian: Gotzon Mantuliz eta David Seco irabazleak, eta Naty, Oiane eta Leon aurtengo edizioko lehiakideak.

Gainera, taldeen bateratzearen fasea hasi da eta horren inguruko hainbat gai landuko dituzte saioan. Batetik, lehiakideen arteko paktuak, bestetik, lehiatzeko modu berria. Bestelde, Chris parte-hartzaile polemikoaren kanporatzeaz ere arituko dira. Hurrengo astean izango da alemaniarra "El Conquis 2013" eztabaida-saioan. Azkenik, hurrengo saioaren aurrerapen mamitsuenak eskainiko dituzte: bilerako bozketak, kanpamentu aberatsetik krema-pote bat hartzeagatik Ibairi ezarriko dioten zigorra...

Hostoilek Euskal Telebistarentzat ekoitzitako saioa da "El Conquis 2013", eta asteazkenetan emititzen dute, gaueko "Eguraldia" saioaren ostean, Euskal Telebistaren bigarren katean.