6 partaide gelditu dira 'Conquis'eko gogokoenaren lehiaketatik kanpo

'El Conquistador del fin del mundo' saioko sei partaide gelditu dira gogokoenaren lehiaketatik kanpo. Chris, Ixa, Pepe, Michel, Naty eta Olga ziren boto gutxien zeukatenak, eta, beraz, jada ezin da horien aldeko botorik eman. Conquisen interneteko atarian sartu eta lehiakide gustukoenaren alde botoa emanez gero, bi lagunentzako itsas-bidaia irabazi ahal izango duzu.

Ikusleen gogokoenaren botazioan gelditzen diren 22 lehiakideetatik edozein aukera dezakegu, eta edozein arrazoi izan daiteke botoa emateko egokia: jatorrena izatea, lehiaketan nola moldatu den, zein estrategia erabili duen, elkarbizitzan nola moldatu den... Botazio honetan ikusle eta interneteko erabiltzaileek dute hitza, euren iritzia da neurtzen dena.

Botoa emateko modua oso erraza da. Saioaren webgunean sartu behar da eta bertan dauden edozein lehiakide aukeratu argazkiaren azpian duen VOTAR hitzean sakatuta. Ondoren beheko datuak bete behar dira. Horren ostean, e-posta bat jasoko duzu jarri duzun helbidean eta bertan jartzen dituen pausoe jarraitu behar zaie botoa konfirmatu ahal izateko.

Hautaketa prozesu honetan parte hartuko duten guztiak bi lagunentzako itsas-bidaia baten zozketan sartuko dira.

Informazio guztia 'El Conquis 2013' debatean

Botazioa nola doan Patxi Alonsok gidatzen duen 'El Conquis 2013' debatean kontatuko dute asteazkenero. Bertan jakingo dugu zenbat boto jasotzen diren, eta jendearen iritzia zein den. Boto gutxien dituzten 6 lehiakideak hautaketa honetatik kanpora geldituko dira astero.

Beraz, ez galdu 'El Conquis 2013' debatea asteazkenero ETB-2n! Zorte on!