telebista
Gauerdian
Welter pisuko bi txapelketa bikain, 'Boxeo Izarrak' saioan
A.A.
EiTB
Marcos Maidana eta Jesus Soto Karass izango dira aurrez aurre lehen borrokan eta Victor Ortiz eta Josesito Lopez bigarrenean.
Welter pisuko bi borrokaldi eskainiko ditu aste honetan 'Boxeo Izarrak' saioak. Lehenengo eta behin, Marcos Maidana eta Jesus Soto Karassen artekoa. Maidana argentinarra jotzaile gogorra da eta 31 garaipenetik 28 k.o. bidez lortu ditu. Guztira sei aldiz izan da Munduko txapeldun. Soto Karass mexikarrak zazpi bider lortu du Ameriketako tituloa, baina ez du behin ere munduko txapelketarik jokatu.
Bigarren norgehiagoka, Victor Ortiz eta Josesito Lopezen artekoa izango da. Ortizek badaki munduko tituloaren jabe izatea zer den. Josesito Lopezek, ostera, ez du orain arte horretarako aukerarik izan.
Azkenik, Marco Huck eta Ola Afolabi ikusiko ditugu euren arteko bigarren neurketan.
Ohi denez, Pedro Mari Goikoetxeak Manu Maritxalar izango du lagun komentarioetan.
Gauerdian izango da ikusgai saioa ETB1en eta larunbatean 23:30ean ETBKn.
