telebista
Elkarrizketa
Iñaki Goirizelaiari elkarrizketa, 'Egun On Euskadi'n eta 'ETB Hoy'n
A.H.
EITB
ETB1ek zuzenean bat egingo du Eusko Legebiltzarreko Osoko Bilkurarekin, goizez eta arratsaldez.
-
Iñaki Goirizelaia. Argazkia EFE
Iñaki Goirizelaia EHUko errektorea elkarrizketatuko dute 'Egun On Euskadi' eta 'ETB Hoy' albistegietan. Estepan Aldamiz-Etxebarriak egingo du elkarrizketa ETB1en eta ondoren, egun eguneko gaien inguruko solasaldia gidatuko du Iñaki Galdosekin eta Iker Bizkaguenagarekin. Goizeko 9:30etik aurrera, Eusko Legebiltzarreko osoko bilkurarekin bat egingo du zuzenean lehenengo kateak, eta 'Gaur Egun'aren ondoren, 14:30ean, zuzeneko emanaldiarekin jarraituko du.
ETB2n, ordea, Olaia Urtiagak egingo dio elkarrizketa unibertsitateko errektoreari, goizeko 12:30etik aurrera, eta ondoren, Adela Gonzalezek aurkeztutako magazina eskainiko du bigarren kateak.
Euskal Valley ekimenaz, 'Entrada Libre'n
Vanessa Sanchezek aurkeztutako 'Entrada Libre' saioak Euskal Valley ekimenaren bi ordezkari hartuko ditu: Iñaki Bartolome eta Amaia Elu. Euskal ekintzaileak biltzen dituen mugimendua da Euskal Valley, eta teknologia berrietan arrakastaz ekin nahi duen jendeari laguntzea du xede. 'Entrada Libre' goizeko 12:00etan hasiko da.
