telebista
22:15ean
'The Zodiac' thrillerra, gaur gauean, 'La Noche de' saioan
A.H.
EITB
Felix Linaresek aurkezten duen saioak, gainera, aurrez aurre jarriko ditu Hugo Silva eta Mario Casas aktoreak, eta bi atal estreinatuko dituzte: El crítico se equivocó eta También son humanos.
'La Noche de…' saioak The Zodiac thrillerra eskainiko du gaur gauean, 22:15ean, ETB2n. Intriga eta suspensea dira egiazko istorio batean oinarritutako film horren ardatzak. 'Zodiakoaren hiltzailea' da protagonista, hirurogeita hamarreko hamarkadan San Francisco eta Kalifornia hegoaldea astindu zituen gaizkilea. Aktore-talde bikaina du pelikulak, tartean, Robin Tunney, Rory Culkin, William Mapother eta Justin Chambers. Protagonistei eta filmaren grabazioari buruzko xehetasunak ezagutuko ditugu gaur gaueko saioan.
Baina 'La Noche de...' saioaren ardatz nagusiak Hugo Silva eta Mario Casas izango dira. 'Los hombres de Paco' telesailean ezagutu genituen aktore ezagunak Alex De La Iglesiaren Las brujas de Zugarramurdi film arrakastatsuko protagonistak dira, eta, gaurko saioan, aurrez aurre jarriko ditu Cara a cara atalak.
Urria heltzearekin batera, Felix Linaresen saioak bi atal estreinatuko ditu: También son humanos eta El crítico se equivocó. Lehen atal horretan, pertsonaia ezagunen ezaugarri intimoak aztertuko dituzte; aste honetan, esaterako, horien gaixotasunen berri izango dugu. Bigarrenean, berriz, zinema kritikariei helduko die. Askotan, ez datoz bat kritikarien iritzia jende arruntarenarekin, eta, atal honetan, haien hanka-sartzeak bilduko dituzte.
'La Noche de… The Zodiac', 22:15ean, ETB2n.
