telebista
Goizean
José Antonio Santanori elkarrizketa, 'ETB Hoy' eta 'Egun On Euskadi'n
A.H.
EITB
Vanessa Sanchez, bestalde, politika kanpo utziko duen ekologiaz arituko da Carolina Punsetekin, 'Entrada Libre'n.
Jose Antonio Santano, Irungo alkateari elkarrizketa egingo diote 'Egun On Euskadi' eta 'ETB Hoy' albistegietan. ETB1en Estepan Aldamiz-Etxeberriak egingo dio elkarrizketa, eta ondoren, egun-eguneko gaien inguruko solasaldia gidatuko du. Besteak beste, Iñaki Zarraoa, Josu Alvarez eta Antton Karrera izango ditu solaskide.
ETB2n, Olaia Urtiagak Irungo alkateari Donostiako Alkateen Konferentziaren inguruan galdetuko dio, eta, ondoren, Adela Gonzalezek eguneko albiste garrantzitsuenen inguruko magazina gidatuko du.
Ekologia politikaz kanpo
Vanessa Sanchezek, bestalde, Carolina Punset ekologista izango du 'Entrada Libre' elkarrizketa saioan. Ekologia politikaz kanpo uzteaz arituko dira solasaldi horretan, 11:30etik aurrera.
