telebista
Gaur, zuzenean
Laboral Kutxa-Unicaja eta Saralegi-Idoate, ETB1en eta eitb.com-en
A.A.
EiTB
Bera Bera-Podravka eskubaloiko Txapeldunen Ligako neurketa ETBKn eta eitb.com-en izango da ikusgai, zuzenean.
Euskal Telebistaren gaurko kirol eskaintzak hiru hitzordu nagusi ditu: Endesa Ligako Laboral Kutxa-Unicaja partida 12:00etan, ETB1en; emakumezko eskubaloiko Txapeldunen Ligako Bera Bera-Podravka neurketa 12:15ean, ETBKn, eta Ekaitz Saralegi eta Mikel Idoateren arteko Lau T'erdiko partida 17:00etan. Hiru emanaldiak internet bidez ere zuzenean jarraitu ahal izango dira eitb.com-en, kirolak zuzenean atalean.
Pilota emankizuna Eibarko Astelenatik egingo da. Partida nagusiaren aurretik Titin III-Zabaleta / Jaunarena-Barriola bikoteak izango dira nor baino nor gehiago, eta ondoren, berriz, promozio txapelketako Apezetxea-Lemuno.
ETB1ek herri kirolen tartea zabalduko du, ohi denez, 16:00etan. Izetatarrek hilaren 10ean Aian egindako marka berri saiakeraren ingurukoak bilduko dituzte bertan.
Bestalde, ETBKn, Atapuercako Nazioarteko Krosa izango da ikusgai 13:50ean, eta, jarraian, Formula 3ko Bartzelonako Saria.
Iluntzean, 20:30etik aurrera, erremonte eta zesta partida bana eskainiko dira: Juaristi- Barrenetxea IV / Urriza-Endika eta Egiguren II-Ekhi / Konpa-Suso (Gasteizko Sariko finala).
