telebista
Goizeko albistegia
Francisco Letamendiari elkarrizketa, 'ETB Hoy'n
A.H.
EITB
Francisco Letamendia idazle, irakasle eta politikariari elkarrizketa egingo diote "ETB Hoy" albistegian. Iker eta Eneko Pou anaiak "Entrada Libre" saioan izango dira gonbidatu.
Francisco Letamendia idazle, irakasle eta politikariari elkarrizketa egingo diote "ETB Hoy" albistegian. Besteak beste, argitaratu berri duen El hilo invisible: identidades políticas e ideologías liburuaz galdetuko diote, eta bertan azaltzen dituen oinarriak izango dituzte aztergai. Egun-eguneko gai politiko eta ekonomikoak ere hartuko dituzte hizpide.
Pou anaiak, "Entrada Libre"n
Vanessa Sanchezek, bestalde, Iker eta Eneko Pou anaiak izango ditu "Entrada Libre" elkarrizketa saioan, Bilbon egiten ari den Mendi Film Festival jaialdia hizpide hartuta. 7 paredes, 7 continentes dokumental saila aurkeztu dute anaiek jaialdian, eta hainbat gailur ezagunetara egindako igoera zailak azaltzen dituzte bertan: Estatu Batuetan, Espainian, Madagaskarren, Australian, Pakistanen, Argentinan eta Antartidan egindakoak.
