telebista
Gaur
Laura Mintegiri elkarrizketa, 'Egun On Euskadi'n eta 'ETB Hoy'n
A.H.
EITB
Vanessa Sanchezek Jaime Zufia Azti-Tecnaliako jasangarritasun alorreko koordinatzailea hartuko du 'Entrada Libre' saioan.
-
Laura Mintegi
Gaur, Laura Mintegi EH Bilduren Legebiltzarreko bozeramailea hartuko dute gonbidatu 'Egun On Euskadi' eta 'ETB Hoy' albistegietan. Egun eguneko gai politikoak aztertuko ditu, eta besteak beste, larunbatean Bilbon ospatuko den presoen aldeko manifestazioaz arituko da.
ETB1en, Estepan Aldamiz–Etxebarriak egingo dio elkarrizketa, eta berarekin batera, Esteban Antxustegi, Iker Bizkarguenaga eta Jose Luis Elorza solaskideak izango dira platoan.
ETB2n, Olaia Urtiagaren galderak erantzungo ditu gonbidatuak, eta ondoren, azterketa eta solasaldirako denbora izango dute ikus-entzuleek Silvia Intxaurrondok gidatutako tartean.
Jasangarritasuna hizpide, 'Entrada libre'n
Vanessa Sanchezek, bere aldetik, Jaime Zufia Azti-Tecnaliako jasangarritasun alorreko koordinatzailea elkarrizketatuko du. Hainbat proiektu aztertuko dituzte, eta elikagai hondakinak pentsu bihurtzeaz arituko dira.
