telebista
Aurrerapena
Yacareek garesti ordainduko dute egindako iruzurra, gaur gauean, ETB2n
Oihaneko iluntasuna eta gaua traidoreak izan daizteke eta yacareek ondo ezagutu dute hori. Guaranien kanpamenduko arauak haustea erabaki zuten eta ondorioak gogorrak izango dira.
Yacareen taldekoek aho batez erabaki zuten guaranien kanpamenduko arauak haustea eta, horretaz damutu ez arren, erabakiak izan ditzakeen ondorioak zein neurritakoak izan daitezkeen atzematen hasi dira.
Zalantzarik izatekotan ere, guaranien burua euren usteak baieztatzera etorri zen. Gainera, Julianen bisitak ez die duda izpirik utzi: ondorioak gogorrak izango dira. Zein neurritarainokoak izango diren, hori dago argitzeko. Hasteko, guaranien asanblea izango dute eta gertatutako guztia azaldu beharko dute Julian eta Karay Miriren aurrean.
Dena dela, lehiakide ohien apustua gogorregia izan da eta, ondorioz, coatien zein yaguareten taldeak onuradun aterako dira.
Baliteke honen guztiaren ondorioz umiltasun gehiago izatea eta oihanean orain arte erakutsitako nagusikeria alde batera uztea. Gaur ikusiko dugu hori, 'El Conquistador del Fin del Mundo' abentura saioaren 10. edizioaren estreinaldiko bigarren saioan, 22:00etatik aurrera ETB2n eta zuzenean eitb.com-en.
