'Bypass' filmaren estreinaldia, bere ordu tartean audientzia buru

Estreinaldi arrakastatsua izan zuen asteazkenean Bypass komediak, 'La Noche de...' saio bereziaren barruan. Bere ordu tartean audientzia buru izan zen, %14ko datuarekin. Halaber, 376.000 ikus-entzulek egin zuten bat emanaldiarekin uneren batean Euskadin eta eragin eremuan. Gorka Otxoa, Barbara Goenaga, Sara Cozar, Itziar Atienza eta Mikel Losada protagonista dituen filmak dilema sentimental konplexua aurkezten digu.

Felix Linaresen aurkezpenak ere harrera ona izan zuen: %13,5eko audientzia zatia eta 261.000 ikus-entzuleko audientzia metatua. 'LND' saioak filmaren grabaketaren eta protagonisten hainbat datu aurreratu zituen, eta euskal zinemagintzaren inguruko informazioa eman zuen.