telebista
Gaur
Laboral Kutxa-Olympiacos, zuzenean, ETB1en eta eitb.com-en
A.H.
EITB
Horrez gain, Xala-Zubieta eta Ezkurdia-Zabaleta bikoteen arteko txapelketako partida eskainiko da Hendaiatik.
-
Scariolo, Laboral Kutxako entrenatzailea
Gaur arratsaldean, Laboral Kutxa-Olympiacos taldeen arteko norgehiagoka eskainiko dute ETB1ek eta eitb.com-ek zuzenean. Euroligako Top 16 fasearen laugarren jardunaldiko partida izango da eta Buesa Arena pabiloian jokatuko dute arratsaldeko 20:30etik aurrera. Xabier de la Fuente, Josean Aldalur eta Jokin Etxebarria komentaristek egingo dute norgehiagokaren gaineko kontakizuna.
22:15etik aurrera, Hendaiako pilota jaialdia izango da ikusgai ETB1en eta eitb.com-en. Rico IV-Larunbe / Victor-Untoria norgehiagokarekin hasiko da, eta ondoren, Xala-Zubieta eta Ezkurdia-Zabaleta izango dira aurrez aurre Binakako Txapelketako partidan. Xabier Euzkitze, Joxan Tolosa eta Koldo Aldalur izango dira emanaldiaren arduradunak.
