Juan Mari Uriarte gotzaina, 'Egun On Euskadi'n eta 'ETB Hoy'n

Juan Maria Uriarte Donostiako gotzain emeritua izango dute gonbidatu 'Egun On Euskadi' eta 'ETB Hoy' albistegietan gaur. Bakearen alde egindako lanagatik jaso berri duen Sabino Arana Fundazioaren sariaz eta bere azken liburuaz galdetuko diote Estepan Aldamiz-Etxebarriak eta Olaia Urtiagak. ETB1eko saioan, gainera, Mikel Arana, Felix Iriarte eta Jose Luis Elorza solaskideak hartuko dituzte.

ETB2n, Uriarteren elkarrizketaren ostean, Silvia Intxaurrondok gidatzen duen magazina izango da ikusgai. Egunak dakartzan albiste nabarmenenak aztertuko dituzte bertan.

The Diaspora Webscape, 'Entrada Libre'n

Vanessa Sanchezek Pedro J. Oiarzabal ikertzaile eta The Diaspora Webscape webgunearen egilea elkarrizketatuko du. Euskal diasporako komunitate digitalak azalduko ditu, hamasei herrialde ezberdinetan.