telebista
Elkarrizketak
Elena Valenciano eta Arantza Tapia, gaur, ETBn
A.H.
EITB
Ekonomiaren Garapen eta Lehiakortasun sailburua ETB1en eta ETB2n izango da gonbidatu, eta, ondoren, Silvia Intxaurrondok PSOEko idazkariorde nagusia elkarrizketatuko du 'ETB Hoy'n.
-
Estepan Aldamiz Etxebarria eta Olaia Urtiaga
Arantza Tapia Ekonomiaren Garapen eta Lehiakortasun sailburua hartuko dute gonbidatu 'Egun On Euskadi' eta 'ETB Hoy' albistegietan gaur. ETB1en, Estepan Aldamiz-Etxebarriak egun-eguneko gai ekonomikoez galdetuko dio. Horrez gain, Iñaki Galdos, Iker Bizkarguenaga eta Jaime Tapia solaskideak izango dituzte saioan. ETB2n, berriz, Olaia Urtiagak elkarrizketatuko du Arantza Tapia sailburua, 11:30etik aurrera.
Silvia Intxaurrondok Elena Valenciano elkarrizketatuko du
Ondoren, analisi eta solasaldirako tartea zabalduko dute 'ETB Hoy' magazinean. Bertan, Silvia Intxaurrondok Elena Valenciano PSOEko idazkariorde nagusiarekin hitz egiteko aukera izango du. Ramon Rubial Fundazioak antolatutako jardunaldietan parte hartzera etorri da Bilbora Valenciano.
Testuinguru politiko oso berezi batean egingo dio Silvia Intxaurrondok elkarrizketa. Izan ere, Valenciano PSOEko zerrendaburu izan daiteke Europako Parlamenturako hauteskundeetan. Halaber, alderdiaren hauteskunde primarioen eztabaida ere ahoz aho dabilen kontua da, eta Patxi Lopez Euskadiko sozialisten idazkari nagusiak PSOEko presidentetzarako hautagai izateko aukerak ditu.
Aiko Taldearen musika, 'Entrada Libre'n
Vanessa Sanchez, bere aldetik, Sabin Bikandi eta Patxi Laborda Aiko Taldeko kideekin izango da 'Entrada Libre' saioan, 11:00etan. Argitaratu duten disko berria, Soken dantza, aurkeztuko dute.
