telebista
Gaur gauean
Gaizka Garitano eta Jon Errasti, gaurko 'Kontrako Eztarria' saioan
A.E.
EiTB
Eibar futbol taldeko entrenatzaileak eta jokalariak taldearen denboraldi bikainaren inguruan hitz egingo dute.
-
Gaizka Garitano.
Gaur, Gaizka Garitano Eibar futbol taldeko entrenatzailea eta Jon Errasti jokalaria hartuko dituzte 'Kontrako Eztarria' saioan. Eibartarrak egiten ari diren denboraldi bikainaren inguruan arituko dira, besteak beste.
Bestalde, asteazkenean jakingo dugu nor izan den bideoklip lehiaketako irabazlea eta platoan bertan banatuko zaio saria garaileari. Gainera, Paulinoren pisu zehatza nork asmatu duen eta, ondorioz, sagardotegira joateko saria norentzat izango den ere esango dute.
Horretaz gain, Desfass Orkestra, sukaldariak, rezepzionistak... eta beste hainbat eduki izango da saioan.
'Kontrako Eztarria' 21:40ean dago ikusgai ETB1en.
