telebista
22:15ean
'¿Qué fue de los Morgan?', gaur, ETB2n
Hugh Grantek eta Sarah Jessica Parkerrek krisian dagoen bikotea osatzen dute filmean. Hirian bizitzera ohituta dauden arren, herri txiki batean bizitzera behartuta egongo dira.
-
Sarah Jessica Parker eta Hugh Grant
¿Qué fue de los Morgan? amodiozko komedia eskainiko du ETB2k gaur gauean. Komedian pisu handia duten bi aktore dira Marc Lawrence zinegileak zuzendutako film honen protagonistak: Hugh Grant eta Sarah Jessica Parker.
Paul eta Meryl Morgan Manhattanen bizi dira eta inbidia asko eragiten duen bikote arrakastatsua osatzen dute, baina senar-emazteak krisian daude, banantzear. Dena dela, arazo hauek ez dute inolako garrantzirik izango laster gertatuko zaienarekin alderatuta: hilketa baten lekuko izango dira, eta biak hiltzailearen helburu nagusi bilakatuko dira. FBIk lekukoentzat duen babes-programa batekin, New York utzi beharko dute denbora batez eta Wyomingeko herri txiki batean bizitzera joango dira.
Ostegun honetan, 22:15ean, ez ezazue galdu ETB2k eskainiko duen ¿Qué fue de los Morgan? filma.
