Enekok beldur dio rodeo patagoniarrari, 'Conquis'en

Patagoniako euri atergabeak eta hotzak egoera larrian utziko ditu lehiakideak asteburu honetan "El Conquistador del Fin del Mundo" saioan.

Sarai, Diana eta Iñigo, Purgatorioan aire zabalean lo egin behar duten hiru lehiakide gaixoak, amore emateko eta aurreko asteetan Patagonian eta Iguazun egindako lana pikutara bidaltzeko prest daude... Baina, abenturaren amaiera atzemanda, gai izango al dira lehiaketa bertan behera uzteko?

Kanpamentu bateratuan, euriaren kalteak jasan arren, eragingarri nagusia Immunitate Jokoa izango da. Patagoniako proba klasiko handietako bat bueltan da: Hereford arrazako behien rodeoa. Aurten berrikuntza bat izango du jokoak: izan ere, lehiakideek etsaien behiak aukeratu beharko dituzte. Irenek Enekorentzat behi handi eta hezigabeena aukeratzeko "ausardia" izango du. Abenturan lehen aldiz, Eneko kikilduta eta desafioan min ez egiteko otoitz egiten ikusiko dugu.

Bestalde, Anderren zigorra zein den ikusiko dugu. Aurreko gauean kanpamentuan Antuanekin batera legez kanpo sua piztu zuela onartu zuen santurtziarrak.

Aurrerapenak, protagonistak eta faboritoak, "El Conquis" eztabaida-saioan

"El Conquis" eztabaida-saioa berrikuntza guztiekin, ikusi gabeko aurrerapenekin, protagonistekin, kanporatutako lehiakideekin eta analista trebeenekin dator asteburu honetan. Manu Maritxalar, David Seco, Gotzon Mantuliz, Argi Gastaka, Isabel Landa eta Amaia Puertas izango dira Miramoneko platoan.

Larunbatean, gainera, ikusleen lehiakide gogokoenaren aukeraketa hasiko da. Aurtengo edizioko 27partaideen artean aukeratu dezakete ikusleek faboritoa. EITBk webgunean egindako aukeraketari esker, boto gutxien dituzten lehiakideak kanporatuko ditugu debate bakoitzean. Larunbatean 2 partaide kanporatuko dituzte, eta igandean beste 2. Eta horrela izango da astero, abentura bukatu arte.

Ez galdu "El Conquistador del Fin del Mundo" abentura saioa eta "El Conquis" debatea, larunbat eta igandeetan, gaueko "Eguraldia" saioaren ostean, ETB2n.